Wek nijadnasek Frazer ji bo ronîkirina hişê gelên hov li dû xwe gelek berheman hiştiye. Ji bo ronîkirina tevgerên mirovên vê serdemê hewcehiyê bi naskirina hişê gelên hov dibîne. Bi van lêkolînan me mirovên medenî! dibe nav civakên hov û kon bi kon di nav wan de digerîne.
Di vê berhema xwe de Frazer 4 tiştan îdia dike:
1. Baweriyên bêbinî di hinek nijad û hinek deman de li hember rêveberiyê, nemaze jî rêveberiya yek-mirovî di nav civakê de rêzeke mezin afirandiye, herwiha ji bo avakirin û berdewamiya nîzama giştî alîkariya serokan kiriye.
2. Baweriyên bêbinî di hinek nijad û hinek deman de rêza li hember maldarbûyîna taybet zêdetir kiriye, herwiha feydeyê li fikra maldarbûyînê kiriye.
3. Baweriyên bêbinî di hinek nijad û hinek deman de rêza li hember zewacê zêdetir kiriye, herwiha hem di nav kesên zewicandî de hem di nav ezeban de ji bo parastin û lê xwedî derketina rêzikên tund yê zewacê feydeyek daye.
4. Baweriyên bêbinî di hinek nijad û hinek deman de rêza ji bo jiyana mirovan hêzdartir kiriye, herwiha ji bo parastina jiyana mirovan feydeya wan çêbûne.
Nivîskar van îdiayên xwe bi mînakên ji nav gelên hov piştrast dike. Bi ya wî, baweriyên bêbinî ji fikrên çewt derketine holê û di sepanê de bûne sedema gelek xirabiyan. Tevgerên şaş ji fikrên şaş pir xirabtir in.
Psişik İşler (Psyche's Task): J.G.FRAZER, Pinhan, 2020.
Dîroka Xwendinê: 01.04.2023
Yorumlar
Yorum Gönder